29 years
of
Community Service
MUNTING NAYON
News Magazine
Operated by couple Eddie Flores and Orquidia Valenzuela
News and Views of the
Filipino Community Worldwide
MAY HANGGAHAN ANG PAGTITIIS - (Part 2)



Ni Rene Calalang
Scarborough-ON-Canada
July 12, 2017

 
 


MAY KAPATID si Estela sa Canada na caregiver, si Luz.
May inaalagaan si Luz, na isang matandang babaeng Hudyo, si Mrs Hoffman, na sa katandaan, ay bilanggo na ng wheel chair.

Mabait at maasikaso si Luz. Sa pagkikita-kita at pagsasama-sama ng mga kabilang ng Family Hoffman, ay nakita ng manugang ni Mrs. Hoffman, si Mr. Smith, ang uri ng pag-aasikaso ni Luz kay Mrs. Hoffman.

Ang ina ni Mr. Smith, katulad ni Mr. Hoffman, ay bilanggo na rin ng wheel chair, at kapapasok lamang sa Home for the Aged.

Hindi maligaya si Mr. Smith sa uri ng alaga na tinatanggap ng kanyang ina sa Home for the Aged kung ihahambing sa uri ng alaga na tinatanggap ni Mrs. Hoffman kay Luz. Nagpasiya siya na kukuha rin siya ng Pilipinang caregiver at ilalabas si Mrs. Smith sa Home for the Aged.

Nagtanong siya kay Luz, “Help me with this one. Find me a caregiver like you to take care of my mother.”

Nakasilip ng pagkakataon si Luz upang matulungan si Estela. “My sister is available, but she is in the Philippines.”

Saglit na nag-isip si Mr. Smith bago nagpasiya, “Is she as caring and loving as you?”

“Of course, she is my sister. It runs in the family.”

“Then, we will bring her here.”

“How?”

“Leave that to me. My lawyer will take care of that.”

Madaling nakarating sa Canada si Estela.

TUMAGAL ng tatlong taon at siyam na buwan ang pag-aalaga ni Estela kay Mrs. Smith, bago ito pumanaw.

Samantala ay naging permanent resident na rin si Estela.

MAHIRAP makikita nang magandang trabaho. Mapalad si Estela at natanggap siyang supervisor sa isang janitorial services. Sa pinapasukan ko siya natalaga, na naging sanhi ng aming pagkikilala.

SA simula pa lamang ng kanyang pagiging caregiver kay Mrs. Smith, hanggang sa ito ay pumanaw, ay walang tigil ang pagpapadala ng pera ni Estela kay Rodrigo lalo pa nga at alam niyang wala itong trabaho. Samantala ay limang taon na si Emmanuel at dumarami ang pangangailangan at lumalaki ang gastos. Papasok na rin ito sa paaralan bilang junior kinder.

NGUNIT ang pera ay magnetong humahatak upang si Rodrigo ay puntiryahin ng mga nakaambang mga buwitre. Alam ng mga kaibigan ni Rodrigo na parating nagpapadala ng pera si Estela.

Sa isang pagdiriwang ng isa niyang kaibigan (daw) ay inanyayahan si Rodrigo.

Sa simula ay inuman muna ng beer. Ngunit ng sila ay malagihay na ay may naglabas ng shabu.

Sa una ay ayaw ni Rodrigo ngunit matindi ang udyok ng kanyang mga kainuman. Bumigay ang paninindigan ni Rodrigo.

Iyon ang simula, at iyo’y nasundan ng isa pa….at isa pa….at isa pa….

Habang tumatagal ay pamahal ng pamahal ang halagang ibinabayad ni Rodrigo sa shabu hanggang sa dumating ang panahon na kailangang magsinungaling siya kay Estela.

Sa isang pag-uusap ay sinabi niyang may sakit si Emmanuel.

“Ano’ng sakit?” may pag-aala-alang tanong ni Estela.

“Asthma. May asthma raw si Emmanuel, sabi ng doctor.

Nabahala si Estela. Nangutang siya ng pera kay Luz upang madagdagan ang perang kanyang ipadadala.

Sa isa pang pag-uusap ay humingi nang mas malaki pang halaga si Rodrigo.

“Para saan mo gagamitin iyon?” tanong ni Estela.

“Bibili ako ng tricycle para panghanap buhay para hindi ako masyadong umaasa sa iyo. Isa pa ay gagamitin kong panghatid at pagsundo sa anak natin.”

Sa unang sinabing dahilan ni Rodrigo, na gagamitin niya ang tricycle panghanap buhay ay hindi masyadong nainiwala si Estela. Pero nang marinig niyang gagamitin iyon para ihatid at sunduin si Emmanuel ay madali siyang nakumbinsi.

Kulang ang kanyang pera sa halagang hinihingi ni Rodrigo. Nahihiya na siyang manghiram sa kanyang ate dahil alam niya na gahol din ito. Lumapit siya sa isa niyang kaibigan na taga kalapit bayan, si Melinda.

“Walang-wala ako,” sabi sa kanya ni Melinda.

“May nalalaman ka ba? Kahit na mataas ang patubo?”

“May alam ako, Arabo. Pero sa taas ng patubo, talo ang mga Bumbay sa atin.”

“Kahit na.”

Sinabi sa kanya ni Melinda ang phone No. at address ng Arabo, na kanyang pinuntahan.

Pinautang siya ng Arabo, ngunit bilang security ay kinuha nito ang kanyang passport.

Ipinadala ni Estela ang kanyang pinagsamang ipon at ang halagang inutang niya sa Arabo.

Dahil sa taas ng patubo at sa laki ng binabayaran ni Estela buwan-buwan ay napilitang siyang maghanap ng iba pang trabaho upang madagdagan ang kanyang kasalukuyang kita. Kinausap niya ang isa pa niyang kaibigan na naglilinis ng mga bahay kung Sabado at Linggo na isama siya, na pumayag naman.

NGUNIT tatlong buwan na ang nakalilipas ay walang ipinakikitang katibayan si Rodrigo na bumili nga ito ng tricycle. Nagkahinala si Estela na may hindi magandang ginagawa si Rodrigo.

UUWI si Melinda. Kinausap siya ni Estela, “Pakisuyo lang,” pasimula ni Estela.

“Tungkol saan?”

“Pakibalitaan lang kung ano’ng nangyayari sa mag-ama ko.”

“Bakit hindi mo na lang tawagan ang pamilya niya.”

“Kung tatawag ako roon, malamang na pagtatakpan siya dahil alam nila na kapag nalaman ko na may ginagawa siyang kalokohan, kung mayroon nga, ay baka hindi ko siya isponsoran. Inaasahan kasi nila na kapag napunta rito si Rodrigo ay kukunin niya ang kanyang mga kapatid.”

“Kung ako?”

“Hindi nila alam iyon. Wala siyang kamalay-malay na may nag e espiya sa kanya. At saka hindi ikaw ang magmamanman sa kanya. Bibigyan kita ng one hundred dollars para gamitin mo sa pagkuha ng taong kilala mo at mapagkakatiwalaan para magmanman sa kanya. Sa one hundred dollars, siguro naman ay may makukuha ka.”

“Sa halagang iyan, sa hirap ng buhay sa atin, sino’ng tatanggi?”

SA pagbabalik ni Melinda, pagkalipas ng tatlong linggo, ay dala ang isang masamang balita:

Lulong sa drugs si Rodrigo. Ang perang ipinadala niyang pambili ng tricycle ay inubos lang niya sa drugs. Hindi na rin pumapasok si Emmanuel, na mabuti naman ang kalagayan, salamat sa mabuting kalinga ng kanyang biyenan.

Nag-iiyak si Estela sa tinanggap na balita. Sinabi niya sa kanyang ate ang nangyayari.

“Umuwi ka. Sorpresahin mo. Para hindi siya makapaghanda ay huwag mong ipaalam kahit kanino, maliban sa kuya na susundo sa iyo sa airport.




MAY KARUGTONG




Ang nakaraan:
·        MAY HANGGAHAN ANG PAGTITIIS-(Part 1)

    MoreASCON meets new Cumberland Mayor
    Richard J Ford

    The Mayor of Cumberland Council, Greg Cummings met with the Officers and members of the Auburn Small Community Organisation Network Inc (ASCON) on the 15th of February 2018 to discuss various community concerns. Led by the current Chairperson Dr Cen Amores, the multicultural group presented ASCON’s many projects and activities for the benefit of the multicultural communities of Cumberland LGA....
    MoreCanadian Medical Mission to T’boli Tribes Successful Despite Mishaps and Martial Law Fears
    Edwin Cordero Mercurio

    Giving the gift of Love on Valentines Day with flowers and sending cards to our loved ones is one thing we always do every February 14.  However, bringing the gift of Love and Selfless Service to those in need in far flung communities of Mindanao is another. More so when the day falls on Ash Wednesday.
    More
     
    MoreAtalla inducts AGAPI officers, new members
    Evelyn A. Opilas

    Edmund Atalla, MP for Mt Druitt, swore in officers of AGAPI led by Dorothy del Villar and their new members...
    MoreSamahang Pilipino sa Holland (SPH) launches it’s first smashing Valentines Party 2018 !!!!
    Angel Axinto

    The day of the heart celebration is always the first party of the year.
     
    This year,...
    More‘No speak English’ not for Pinoys
    Evelyn A. Opilas

     “Evie, you speak Tagalog, right? Can you please speak with my client?” asked a colleague at one of the job...
    MoreREUNION OF LONG TIME FRIENDS
    Romeo Ayson Zetazate

    ...
    MoreCanada to participate again at the SM NBTC Championships in the Philippines
    Emar Sy

    Crossover Sports Canada once again secured a slot for Canada to participate at the 2018 SM NBTC National Championships on...
    MoreSTICHTING FDCD’s 16TH YEAR VALENTINE’s PARTY CELEBRATION
    Fe Heinen

    Dordrecht-February 10: The 16th wonderful year of the Stichting Filipino-Dutch Community Drechtsteden (FDCD) Valentine’s party was held last Saturday, February...
     
    More`CON AMOR’ FOUNDATION B0ARD MEMBERS VISIT PROJECTS IN PHILIPPINES
    By: Orquidia. Valenzuela,  as reported by Myrla Danao

    Businessman Jaap van Dijke, chairman and two board members, Myrla Danao and Dr. John Deen of Con Amor foundation in...
    MoreTHE CHILDREN IN DON MANUEL GK VILLAGE
    Orquidia Valenzuela Flores

    Sixty-three children from age three to six years, in the very poor community of Don Manuel village in Barangay...
    MoreHistory of the Filipino Community in the Netherlands
    Orquidia Flores-Valenzuela

    Every story has a beginning and our story begins when a Cavitena accompanied her aunt to sail to another continent....
    MoreArt Creations
    Vicente Collado Jr.

    Welcome!

    Many believe formal training is a prerequisite to quality in painting. Not a few will agree with me one can...
     
    Disclaimer

    Contents posted in this site, muntingnayon.com, are the sole responsibility of the writers and do not reflect the editorial position of or the writers' affiliation with this website, the website owner, the webmaster and Munting Nayon News Magazine.

    This site, muntingnayon.com, the website owner, the webmaster and Munting Nayon News Magazine do not knowingly publish false information and may not be held liable for any direct, indirect, incidental, consequential or punitive damages arising for any reason whatsoever from this website or from any web link used in this site.