29 years
of
Community Service
MUNTING NAYON
News Magazine
Operated by couple Eddie Flores and Orquidia Valenzuela
News and Views of the
Filipino Community Worldwide
DAHIL SA ISANG PAGLALAKBAY (Part 1)



Ni Rene Calalang
Scarborough-ON-Canada
September 22, 2016

 
 


ANG “Ace Machine Shop,” na pinakamalakig machine shop sa bayan ng San Pedro, na ari ng mag-asawang Jeremy at Elena Chiu, ay kilala sa pagiging racist at pinakakuripot sa pamamahala. Balita rin sa hindi pagbabayad ng buwis si Mr. Chiu, na kanyang ginagawa sa pamamagitan ng pagsuhol sa mga tauhan ng pamahalaan.

Ayon din sa bali-balita, ang kanilang yaman, na milyon ang bilang, ay nakatago sa labas ng bansa, na kanilang ginagawa sa pag a ala-ala na kung ano man ang mangyari, ang kanilang yaman ay ligtas. Ayon din sa ilang kaibigan ni Mr. Chiu, na kanyang napagsabihan, wala siyang pakialam kung ano man ang mangyari sa bansa, dahil hindi naman niya bansa ito, at pera lamang ang kanyang hangad.

MAY dalawa silang anak na sina Michael at Carol Chiu. Labing anim na taong gulang si Michael, at fourth year high school. Labing walong taong gulang si Carol, at kumukuha ng Nursing. Kapuwa sila nag-aaral sa exclusive Chinese School.

Katatapos lamang nang unang taon ni Carol sa Nursing at katulad nang nagdaang mga taon ay tumutulong sila ni Michael sa pamamahala sa malaking Machine Shop.

Katatapos lamang ni Emil Diaz ng Machine Shop sa Technical School sa bayan ng San Pedro, ng siya at mapasok na machinist sa “Ace Machine Shop.” Labing siyam na taong gulang siya.

ANG UNANG tumawag sa pansin ni Carol kay Emil ay ang sipag at husay nitong magtrabaho, na gayong katatapos lamang ng Technical School at wala pang sapat na karanasan ay natatatapos niya nang mabilis at tama ang ano mang trabaho na ibinibigay sa kanya.

Ang isa pang kapuna-puna kay Emil ay kung lunch time, siya, pagkatapos kumain ng kanyang baon ay lumalayo at nagpupunta sa pinakamalayong sulok at nagbabasa o nagsusulat, sa halip na nagpapahinga o nakikipagkuwentuhan.

ISANG ARAW ay kinausap ni Carol ang foreman at sinabi niyang papuntahin si Emil sa kanyang tanggapan dahil mayroon siyang gustong palagdaan dito tungkol sa kanyang personal file. Ngunit ang totoo, dahil mga teenager pa sila ay may crush siya kay Emil. Naakit siya dito dahil sa mga ipinakikita nitong mga pagpupunyagi.

“Yes Mam,” sabi ni Emil ng siya’y dumating sa tanggapan ni Carol.

“Maupo ka. Huwag mo na akong tawaging Mam, Carol na lang. Bata pa naman ako. Siguro ay magsintanda lang tayo.”

Nangiti si Emil dahil alam niya na may gusto sa kanya si Carol. Ang totoo, kahit sinasarili lamang niya, ay may damdamin din siya kay Carol, nangingimi lamang siya na lumapit dito. Ngunit ngayong alam niyang may damdamin sila sa isa’t isa ay wala na siyang dapat pangimian.

Naupo siya. “Kumusta ka, Carol.”

Nangiti rin si Carol dahil dala marahil na may damdamin sila sa isa’t isa ay panatag na kaagad ang kanilang kalooban.

“OK naman. May itatanong lang ako sa iyo.”

“Basta huwag lang sa pera o sa girlfriend dahil pareho akong wala noon.”

“Good. Kung maghahanap ka nang magiging girlfriend mo ay madali kang makakakita. Bakit kamo?”

“Bakit?”

“Dahil may bikas ka, masikap at marunong, mga katangiang hinahanap ng isang babae sa isang lalake. Anyway, ituloy natin kung bakit kita ipinatawag.

“Bakit?”

“Napapansin ko na parati kang nagbabasa kung lunch time, ano’ng binabasa mo, maitanong ko?”
“Text book ko.”

“Nag-aaral ka?”

“Oo. Part time.”

“Ano’ng kinukuha mo?”

“Engineering. Hilig ko.”

“Bakit hindi ka na lang mag full time para mabilis.”

“Wala kaming pera.”

“Nag-aaral ka kamo sa gabi?”

“Oo.”

“Saan?”

Sinabi ni Emil kung saan.

“Ano’ng oras ang klase mo?”

“T TH S, six to eight. M W F, seven to nine.”

“Pa’no ka pumapasok?”

“Bus at jeepney.”

“Di pag-uwi mo, pagod ka na. Tapos gigising ka pa ng maaga para pumasok dito.”

“Pagod na pagod, pero wala akong pagpipilian.”

“Pa’no ang mga assignment mo?”

“Mostly, sa week end ko ginagawa.”

“Gusto mong hindi ka masyadong mahirapan?”

“Sino’ng aayaw noon?”

“Nag-aaral din ako, nagsa summer. Ang pinapasukan ko ay malapit sa pinapasukan mo. Tuwing M W F, may klase ako ng seven to nine. Gusto kong magkita tayo pagkatapos ng klase. Kakalungin kita sa gate ng pinapasukan mo. Tapos, sabay na tayong uuwi. Ibababa kita doon sa tinutuluyan mo. Pagkatapos ay deretso na ‘ko sa amin.”

“Hindi ba nakakahiya sa iyo na ikaw pa ang kakalong sa akin?”

“Ako ang may sasakyan. Kung ikaw ang mayroon at ako ang wala, siempre, ikaw ang kakalong sa akin.”

“Kung sa bagay.”

“At saka iba na ang panahon ngayon. Parehas na ang babae at lalake.”




MAY KARUGTONG

    MoreGANTI-GANTI LANG ANG BUHAY - (Part 1)
    Mga Gintong Kwento ni Rene Calalang

    MAGKASINTAHAN sina Isabel, na kapapasa lamang ng Nursing at si Ric na isang IT Specialist.
    Ambisyosa si Isabel. Kaya...
    MoreMAY HANGGAHAN ANG PAGTITIIS - (Part 2)
    Mga Gintong Kwento ni Rene Calalang

    MAY KAPATID si Estela sa Canada na caregiver, si Luz.
    May inaalagaan si Luz, na isang matandang babaeng Hudyo,...
    MoreMAY HANGGAHAN ANG PAGTITIIS - (Part 3)
    Mga Gintong Kwento ni Rene Calalang

    MAGPAPASKO na at ang pinagtatrabahuhan ko, na kinatatalagahan niya ay sarado ng dalawang lingo. Humingi pa siya ng isang linggong...
    MoreMAY HANGGAHAN ANG PAGTITIIS - (Part 2)
    Mga Gintong Kwento ni Rene Calalang

    MAY KAPATID si Estela sa Canada na caregiver, si Luz.
    May inaalagaan si Luz, na isang matandang babaeng Hudyo,...
    MoreMAY HANGGAHAN ANG PAGTITIIS-(Part 1)
    Mga Gintong Kwento ni Rene Calalang

    NAGKITA kami sa paminsan minsang pagtatrabaho ko ng panghapon at siya naman ay supervisor ng isang janitorial services.
     ...
     
    More17th Rizal Commanders Ball at JC’s Banquet Hall  in Toronto
    Dindo Orbeso

    The Knights of Rizal Canada Region Council led by Regional Commander Sir Ed Prillo, KGOR, held their 17th Commanders Ball at JC’s Banquet Hall in Toronto on October 14th, 2017.

     ...
    MoreSeeing a “Bloody” Moon is a chance of a lifetime
    Willie Jose

    Watching the rising of a” Bloody “Moon on a clear sky last Oct. 5 is an experience of a lifetime.
     
    To see the large full moon in red color rising on the horizon, Emily, a good friend told me and my wife that we had to be at the Rouge Hill Park early because at...
     
    More100 global journalists discussed peace journalism at the Conference for Global Peace Media Network in 3rd Annual Commemoration of the WARP Summit
    Marilie Bomediano

    Journalists Advocate Commitment to Building Peace in Our Times

     
    In the climate of...
    MorePHILIPPINE-LUXEMBOURG SOCIETY EXTENDS ITS HELPING HANDS TO SEVERAL CHARITABLE PROJECTS IN THE PHILIPPINES
    Cecille Capacete Hurst

    The Philippines–Luxembourg Society (PLS) was founded in 1986 as a non-profit organization with the aim to promote friendship and cultural...
    MoreWe are VERY THANKFUL! – FBL Canada Turkey Ball 2017
    Emar Sy

    FBL Canada cemented its status as the newest prime movers in the basketball with the successful staging of the 2017...
    MoreTHE 4TH CONFERENCE PAL- KALAYAAN VOLLEYBALL OPEN CUP 2017 IN JEDDAH
    Maki de  Guzman

    FIRST WIN FOR JUH-UGAFCO (MENS DIVISION) WITH TOMODACHI-KFAFH/ KAMC LADY SPIKERS & SAUDI GERMAN HOSPITAL (WOMENS DIVISION)
     ...
    MoreFil-Oz Liverpool, VAA Inc. and APCO Inc. attend the 19th Children’s Festival of Sydney
    Richard J. Ford

     It was such a beautiful sunny day that echoed what will be a great event at Paul Keating Park, next...
     
    More`CON AMOR’ FOUNDATION B0ARD MEMBERS VISIT PROJECTS IN PHILIPPINES
    By: Orquidia. Valenzuela,  as reported by Myrla Danao

    Businessman Jaap van Dijke, chairman and two board members, Myrla Danao and Dr. John Deen of Con Amor foundation in...
    MoreArt Creations
    Vicente Collado Jr.

    Welcome!

    Many believe formal training is a prerequisite to quality in painting. Not a few will agree with me one can...
    MoreTHE CHILDREN IN DON MANUEL GK VILLAGE
    Orquidia Valenzuela Flores

    Sixty-three children from age three to six years, in the very poor community of Don Manuel village in Barangay...
    MoreHistory of the Filipino Community in the Netherlands
    Orquidia Flores-Valenzuela

    Every story has a beginning and our story begins when a Cavitena accompanied her aunt to sail to another continent....
     
    Disclaimer

    Contents posted in this site, muntingnayon.com, are the sole responsibility of the writers and do not reflect the editorial position of or the writers' affiliation with this website, the website owner, the webmaster and Munting Nayon News Magazine.

    This site, muntingnayon.com, the website owner, the webmaster and Munting Nayon News Magazine do not knowingly publish false information and may not be held liable for any direct, indirect, incidental, consequential or punitive damages arising for any reason whatsoever from this website or from any web link used in this site.